De Streektaolvrijwilligers van de gemeente Aa en Hunze hebt een nei programma maokt under de naom:
‘EEN PAOR UURTIES DRÈENTS VERMAOK!’
Een gezellige mörgen, middag of aovend vol streektaol, herkenning en humor.
Wat kuj verwaachten?
Een Drenthequiz met vraogen over van alles wat met Drenthe te maoken hef en een neie versie van
‘Wel hef geliek’. Eén vraog: 3 antwoorden en 1 hef geliek. Dan gauw wieder met een Drèentse bingo en as de tied het toelat vertel we een verhaol of laow gedichten heuren.
Een garantie veur een paor uurties Drèents plezeer en gezelligheid!
Dizze Drèentse activiteit is geschikt veur:
- (Buurt)verenigingen
- Verzörgingshoezen
- Femiliefeesie
- Gezellige ofsluting van een (leden)vergaodering
Wij stemt de invulling van dizze activiteit vanzölf of op de doelgroep.
Bi’j nog op zeuk naor een gezellige, leegdrempelige Drèentse invulling? Wij komt geern bij je langs.
Streektaolstried 2026
In 2026 organiseer wij opnei oonze succesvolle Streektaolstried van de gemeente Aa en Hunze. Dit keer in dörpshoes ‘De Trefkoel’ in Gasselte op vrijdag 27 meert. Zet dizze daotum alvast in je agenda, meer infermaotie volgt begun 2026.
Hej vraogen over het neie programma en de invulling dervan en/of wi’j oons vaastleggen, bel dan met de Streektaolambassadeur Katrien Eggens: 0614646995
