Gerdien Veneboer en Goof van der Meer winnaors Raoler Golfcup 2026
Vrijdag 4 september wast weer zo wied: de 14e editie van de Rolder Golf Cup. Dit jaorlijkse
golftoernooi, dat tiedens de Roldermarktfeestweek holden wordt veur (old-)inwoners van de
vroggere gemeente Raol, weur ook dit jaor weer speuld op de baon van de Drentsche Golf &
Country Club in Assen.
Der deden dit jaor 41 deelnemers met. En die hebt zich niet deur het weer uut ‘t veld slaon
laoten. Wind en regen weuden trotseerd um toch een gooi te doen naor de zo begeerde
wisselbekers. Hulde an alle deelnemers!
Bij de vrouwlu was Gerdien Veneboer de beste. Paulien Zonneveld weur tweede en Marie
José Blans pakte de darde pries. Bij de manlu gung de eerste pries naor Goof van der Meer.
Jantinus Warmelts weur tweede en Dennis Wolters darde.
Der waren nog meer priesen te verdelen. Tonny Grummel haolde de ‘longest’ bij de vrouwlu
en Jeroen Campman die bij de manlu. De ‘neary’ was veur Rolf Rademaker en Hans Hagting
gung met de ‘tweary’ an de haol.
Nao het uutdelen van de priesen weur der nog gezellig naopraot. Met een happie en een
draankie weur het nog mooi laot. Zo kwam der een mooi ende an een gezellige en sportieve
14e editie van de Rolder Golf Cup.
Volgend jaor is het alweer tied veur het darde lustrum. De 15e editie van de Rolder Golf Cup
wordt dan holden op 10 september. Wij hoopt dan natuurlijk weer op een mooie bult
deelnemers en, as ‘t even kan, wat minder wind en regen!
Henk Mulder,
lid feestkemissie
